Search

SLS gefur lungnadeild A6 sírita með CO2 mæli

Updated: Feb 19

Samtök lungnasjúklinga gáfu á dögunum lungnadeild A6 Landspítala sírita (enska monitor) með koltvísýringsmæli af nýjustu og fullkomnustu gerð.


Síritinn er mjög þægilegur í notkun, með snertiskjá, og hægt er að velja hvað á fylgjast með eftir þörfum hverrar deildar og hvers sjúklings. Sem dæmi er hægt að fylgjast með blóðþrýsting, púls, hjartalínuriti, súrefnismettun og koltvísýring. Hægt er sjá niðurstöður á skjánum inná herbergi sjúklings, á öðrum sambærilegum skjá í öðru herbergi, inni á vakt eða jafnvel í síma. Með því að ýta á takka á síritanum er á einfaldan hátt hægt að skoða hvað hefur verið að gerast hjá viðkomandi sjúkling s.l. 30 mínútur Tækið sendir allar niðurstöður sjálfkrafa í rafræna sjúkraskrá sem stuðlar að bættu öryggi sjúklinga. Tækið er afar meðfærilegt og getur fylgt sjúklingi t.d. ef hann þarf að fara í rannsóknir utan deildarinnar. Þá sjá læknar og hjúkrunarfræðingar allar mælingar jafnvel þegar sjúklingurinn er ekki á deildinni sem einnig eykur öryggi.

Einn af þeim íhlutum sem valdir voru með þessu tæki er mæling á koltvísýring í útöndunarlofti. Megin hlutverk lungnanna er tvíþætt, annars vegar að taka upp súrefni og hins vegar að losna við koltvísýring úr líkamanum. Koltvísýringur getur safnast upp hjá sjúklingum með lungnasjúkdóma og því er mæling á koltvísýring hjá bráðveikum á lungnadeild A6 mikilvæg viðbót og getur fækkað blóðprufum eins og blóðgösum


Formleg afhending fór fram í gær 16. febrúar 2021 að viðstöddum tveim stjórnarmönnum SLS þeim Andrjesi og Eyjólfi en viðtakendur voru Sif Hansdóttir yfirlæknir lungnalækninga og Guðrún Árný Guðmundsdóttir deildarstjóri lungnadeildar A6. Tækið var afhent í janúar og starfsmenn fá kennslu á tækið í næstu viku, enda mikill áhugi á að fullnýta alla þá möguleika sem tækið hefur upp á að bjóða.


Hér má sjá nokkrar myndir í viðbót


193 views0 comments

Recent Posts

See All

OPNUNARTÍMI SKRIFSTOFU

Skrifstofan okkar er opin samkvæmt samkomulagi, hafið samband í tölvupósti eða síma.

 

 

SAMTÖK LUNGNASJÚKLINGA

Síðumúli 6

2. hæð 

108 Reykjavík 

Kennitala: 670697-2079

Lyfta í húsinu​.

HAFA SAMBAND

            560-4812

 

Við svörum í símann alla daga

             

              lungu@lungu.is

FYLGIST MEÐ OKKUR Á FB

  • Grey Facebook Icon