Search

Samtök lungnasjúklinga gefa góðar gjafir til styrktar starfsemi Reykjalundar.


Starfsmenn Reykjalundar og stjórn SLS við afhendinguna


Iðjuþjálfun fékk tvo vandaða vinnustólar með svipaða eiginleika. Annar stólinn er með rafknúna hæðarstillingu sem kemur sér vel fyrir fólk sem þreytist við að stilla hæðina á stólnum. Hinn stólinn er með háu baki, möguleika á að hafa höfuðpúða á stólnum og sethalli getur verið fastur eða laus þannig að seta fylgir hreyfingu líkamans.

Hepro Tilto


Stólarnir báðir með stillanlegum örmum (hæð og dýpt), baki og setu. Það er gott pláss fyrir fætur og bremsustöng sem eykur öryggi þess sem situr í stólnum. Ef þörf er á aukahlutum á stólana, þá er til gott úrval af þeim eins og uppfellanlegur fótahringur, hliðarstuðningur og belti.

Vela Tango 100E – rafknúin hæðarstilling


Samkvæmt Ingibjörgu Bjarnadóttur iðjuþjálfa getur vinnustóll létt daglegt líf og viðhaldið sjálfstæði fólks við að sinna daglegum athöfnum, t.d. þeim sem hafa litla orku til að standa lengi og ganga um. Þegar setið er í stólnum er auðvelt að ýta sér áfram með fótunum. Hægt er að nota þá við að þurrka af, elda, vaska upp, sinna þvotti, ryksuga og annað sem viðkomandi þarf að sitja við. Það er t.d. talið að með því að sitja við verk í stað þess að standa sé hægt að spara orkueyðslu um 25%.


Einstaklingar með lungnasjúkdóma og annað fólk sem kemur í endurhæfingu á Reykjalundi getur prófað að vinna í þessum stólum inn á verkstæði iðjuþjálfunar, í eldhúsi og við að sinna öðrum heimilisverkum sem það á erfitt með í endurhæfingunni. Einnig er möguleiki á að lána stólana heim yfir helgi til prufu meðan fólk er í meðferð á Reykjalundi eða taka þá með í heimilisathugun.


Eyjólfur (SLS) afhendir Ingibjörgu stólana formlega


Sjúkraþjálfun fékk einnig lífsmarkamæli af fullkomnustu gerð sem mælir púls, mettun, blóðþrýsing og öndunartíðni skjólstæðinganna. Hingað til hefur ekki verið möguleiki að mæla öndunartíðni sem er mikilvægur þáttur í mati lífsmarka.


Hér má sjá Ásdísi taka lífsmörk Garðars


Að sögn Garðar Guðnason sjúkraþjálfara er lífsmarkamælirinn þeim gríðar mikilvægur þar sem þörf er að fylgjast með lífsmörkum til að áætla hvort þyngja eigi eða létta álagið við þjálfun skjólstæðinganna.



136 views0 comments

Recent Posts

See All