LLT dagurinn

Í dag 19. nóvember, er alþjóðlegur dagur langvinnar lungnaþembu. Af því tilefni var opnuð vefsíða hjá EFA með almennum upplýsingum fyrir LLT-sjúklinga um hvernig hægt er að fá súrefnisþjónustu í löndum Evrópusambandsins. Upplýsingarnar má finna á vef samtakanna

https://efanet.org/projects/copd/travel-with-oxygen þar er jafnframt að finna hlekki á upplýsingar frá 6 löndum sem hafa nú þegar útbúið upplýsingar tengdar þeirra heimalandi. Lungnasamtökin hafa nú þegar sett upp sína síðu sem kemur sér vel fyrir ferðamenn sem sækja okkur heim. Önnur félög innan samtakanna (EFA) munu svo bæta inn þeirra upplýsingum á næstunni.

Það er jafnframt kominn hlekkur af síðunni okkar um ferðlög undir fræðsluflipanum þar sem finna má síðuna hjá EFA

Við hjá Lungnasamtökunum erum mjög stolt af framgangi verksins enda höfðum við frumkvæði að því að farið var í þessa vinnu

Greinargóðar upplýsingar um LLT má einnig finna á vefsíðunum https://copd.efa.org fyrir þá sem vilja fræðast meira um þennan sjúkdóm sem snertir svo marga um allan heim.